الصفحة الرئيسية سياسة الخصوصية اتصل بنا

الاثنين، 8 يونيو 2015

تعرفي على سر من أسرار الغلض الصحراوي

تعرفي على سر من أسرار الغلض الصحراوي
السلام وعليكم البنات. أنا هادي أول مشاركة لي في موقع لالة سلطانة نتمنى نتوفق فيها. جبت ليكم سر الغلظ عند الصحراويان وكيما تعرفو الصحراويات متبغيوش يقولو شنو تديرو المهم معلينا أنا استغليت الفرصة واجبت لجارتي الصحراوية لسانها حتى قالتلي واحد السر ديال الغلظ طولت عليكم. المهم السر هو شحمة ديال الجمل وماشي أي شحمة الشحمة ديال الدروة. نعطيكم الوصفة دابا
الغلض الصحراوي
المكونات
نصف كيلو زريعة الكتان
رابعة ايلان
2 كيلو التمر عادي ماشي داك المعجن نزولولو العضم أنفوروه
رابعة كاوكاو
رابعة اللوز
رابعة الجنجلان
رابعة الكركاع
نصف كيلو الصوجا
100 غ نافع
كأس ونصف الزيت العود
كيلو من شحمة الجمل )الدروة
250غ الحلبة
ليبغى يزيد فانيد أو سيرو ديال الشهية لمبغاش هدشي راه كافي
الطريقة
1 نكليو الزرارع كامين في الفران أو فالمقلة منخليوهمش يتحمرو بزاف.
زريعة الكتان من الأفضل منكليوهاش تبقى خضرا. من بعد نطحنوهم مزيان
مباشرة من فورو التمر نمعسوه بملعقة الخشب مزيان نضيف ليه الزرارع نخلطو
المكونات نزيدو الزيت نخلطو باش الزيت تندامج مع المكونات
نديب الشحمة نفرغها وهي سخونة فوق الخليط. وهدا لتيقولوليه الصحراويات العجنة أو اللحسة
نعمل منها كورات وتؤكل في الصباح و المساء
حاجة أخرى الصحراويات تيشربو معاها الحسى هو
طحين ديال الشعير وخاصو يكون جاري بالحليب
نتمنى نكون فدتكم جربوها راها 100% كنغلظ
 
2015.جميع الحقوق محفوظة للالة سلطانة | |